Breaking

5 Action-Packed FPJ Movies Airs on CineMo

Limang maaksyong pelikula ng King of Philippine Movies na si Fernando Poe Jr., ngayong buwan ng kaniyang kaarawan ang mapapanood sa CineMo.

Sa daan-daang pelikulang nagawa ni FPJ, ilan rito ang nagbigay sa atin ng mga hindi malilimutang karakter gaya ni Flavio mula sa “Ang Panday,” at nina Ador at Kardo mula sa “Ang Probinsyano.” Maliban sa pag-arte, nag-direk at nag-produce din siya ng mga pelikula.

Abangan ang patok na pelikula ni Da King sa CineMo.

  1. “Batas ng Lansangan” (August 14, 7 PM)

Dating Army Major si Ruben Medrano (FPJ), isang byudo na gagawin ang lahat para maprotektahan ang kaniyang anak at komunidad laban sa mga drug pusher. Hindi siya titigil hangga’t hindi nakakamit ang hustisya para sa kaniyang asawa.

  1. “Ang Panday Ikatlong Yugto” (August 15, 7 PM)

Nagbabalik si Flavio (FPJ) para sa ikatlong pagkakataon upang ipagtanggol ang mundo laban sa mga aliens na bubuhay sa kaniyang mortal na kaaway na si Lizardo (Max Alvarado). Isang tunay na iconic role ang Panday na ginampanan na rin ni Bong Revilla Jr. at Richard Gutierrez. Ngayong taon ay mapapanood naman ang Primetime King na si Coco Martin bilang si Flavio.

  1. “Eseng ng Tondo” (August 16, 7 PM)

Kilala si Eusebio (FPJ) bilang isang tapat at ulirang pulis na may malinis na prinsipyo. Subalit ito ring mga prinsipiyo ang magdadala sa kaniya sa kapahamakan at magdudulot ng gulo sa kaniyang pamilya matapos ma in love sa kaniya ang isang informant na ginampanan ni Ina Raymundo.

  1. “Ikaw Ang Mahal Ko” (August 17, 7 PM)

Magkatambal si Da King at ang Star for All Seasons na si Vilma Santos sa action-comedy movie na meron ding romansa.  Kahit na hindi magkasundo ay poprotektahan ni Pilo (FPJ) si Miling (Vilma) matapos itong makahanap ng notebook na puno ng impormasyong magpapahamak sa kanya.

  1. “Dito sa Pitong Gatang” (August 18, 7 PM)

Kailangan protektahan ni Brgy. Chairman Berting Cayabyab (FPJ) ang Barangay Pitong Gatang, isang mapayapang komunidad sa Tondo, matapos siyang habulin ng kaniyang madilim na nakaraan. Kasama niya sa pelikula si Nanette Medved, ang tigasing kapitana ng kabilang bayan.

Mapapanood din ang ilan pang mga pelikula ni Da King tuwing 7PM, Sabado sa FPJ: Hari ng Aksyon. Abangan ang “May Isang Tsuper ng Taxi” sa Agosto 19, at “Minsan Pa…Kahit Konting Pagtingin 2” sa Agosto 26.

Ipapalabas din ng CineMo ang digitally restored and remastered movie na “Isusumbong Kita sa Tatay Ko” nang libre sa Cinema 1 ng SM North EDSA The Block sa Agosto 17. Gumanap na anak ni Da King ang Queen of Philippine Soap Opera na si Judy Ann Santos sa pelikulang ito na nagpakita ng pagmamahalan ng isang mag-ama. Magpunta sa official Facebook page ng CineMo para malaman kung paano makakuha ng libreng tickets.

Leave a comment

Your email address will not be published.