‘Mara Clara’ Continues to Hit High Ratings
Patuloy parin ang pagsubaybay ng buong bansa sa awayang Mara at Clara, kung tuluyan pa nga bang babait si Clara kay Mara o dala lang ng istratehiya nito upang mapalapit sa iniibig na si Christian?
Dahil sa pagkasabik ng bayan kaya marami ang patuloy na tumututok sa nasabing teleserye na siyang naging dahilan sa pagarangkada ng ratings nito. Ayon sa Kantar Media’s nationwide ratings, nagtamo ng 31.3% nationwide rating ang ‘Mara Clara’ laban sa katunggaling programang ‘Grazilda’ na nakakuha lamang ng 14.9%. Dahil sa taas ng rating na nakuga ng ‘Mara Clara,’ nakamit nito ang unang pwesto sa top 20 programs nationwide noong Martes (January 4).
Samantala, namayagpag naman bilang image model ng isang kumpanya si Clara (Julia Montes). Ngunit ano na naman itong ikinagalit ni Clara kay Mara (Kathryn Bernardo) na nauwi sa awayan? Mapapalayas na ba si Mara sa bahay ng mga del Valle?
Kinausap naman ng principal si Mara tungkol sa pangongopya nito ng sagot sa answer keys ng kanilang long exam. Totoo kaya ang bintang na ito? Kung totoo man, tuluyan na nga bang mawawala ang scholarship ni Mara?
Abangan ang mga susunod na tagpo sa ‘Mara Clara’ sa ABS-CBN pagkatapos ng ‘Noah’ sa Primetime Bida.